正所謂一個黑仔王喺道已經黑氣衝天,假若多一個黑仔Buddy,就當然會黑上加黑啦 😂
喺十幾個鐘旅途開始之初,你班友仔已經開哂拖,十幾個鐘入面自然又嘈過,拆完局以為終於到美國,點知…
一到美國機頭就話因為成個美國移民局電腦系統死左,所以要等個系統整返好先可以放客落機入境,大佬呀,我地六個對住班廈門幫十幾個鐘,好似做左班不停加長版嘅香港廈門咁樣,仲要模棱兩可話等半個鐘到一個鐘,大佬你仲要叫佢地乖乖地坐底等?!媽呀…😭
「各位乘客,因為美國當局電腦系統故障所以所以乘客要留喺機上等候大概半個鐘到一個鐘頭,另外飛機未抵達指定停機坪請坐好…再提提所有乘客請坐好…請你立即立即坐返低」🎤🎤🎤
幾經辛苦又呃又氹終於坐返底,之後終於打開左呢兩個飛美國最唔想打開嘅神秘寶箱,做第三個Service!!! 每人一條士多啤梨味energy bar加一杯波音七七七客機飲用水一杯,一行出去行左幾行又比大媽打蘿柚
大媽「啪…啪…啪…」👋🏼👋🏼👋🏼
豆腐「夠啦,不要再打我屁股啦,打了十幾個小時夠了沒有,我的屁股好痛,再打我屁股我跟警察說你非禮我,不要去美國啦,不要探親不要移民啦？」
一眾大媽「哈哈哈哈沒事兒…」
豆腐心諗頂你個肺打左十幾粒鐘,叫左咪打都仲要打,仲要幾個大媽不停打喎,雖則同事因為我極有大媽緣而幫我改左「大媽王子」呢個名,但係我個蘿柚就唔可以亂打囉！
等左大半個鐘,大佬終於話系統轉做人手操作,客運大樓重開可以落客,十幾個鐘嘅慘痛經歷終於劃上句號,大草原又回復一片寂靜
Search